:: PERSPEKTIVA :: E përjavshme Informative dhe Kulturore

Në Prespektiva lexoni :

- KOMENTE
- INTERVISTA
- REPORTAZHE
- OPINION
- BISEDA
- KULTURË
- SHKENCË
- EKONOMI
- INFRASTRUKTUR
- SPORT
- HUMOR
- FJALKRYQE
- RELIGJION
- DUKURI
- SHËNDETI
- EDUKIM
- ARGËTIM
- POEZI
- ETJ ...

Revista Perspektiva në webfaqen e vet ka filluar me rubriken e re, Perspektiva Ditore në Internet. Perspektiva PRESS, ku lexuesit mund të gjejnë çdo ditë flesh lajme nga Lugina e Preshevës.
Me ne jeni më afër Luginës së Preshevës.

PERSPEKTIVA DITORE NË INTERNET - Flesh Lajme nga Lugina e Preshevës dhe rajoni.

FLESH LAJME

PROPOZIME KONKRETE PËR ZHVILLIM EKONOMIK

Kryetari i komunës së Bujanocit, Shaip Kamberi, dhe ai i Kuvendit, Jonuz Musliu kanë qëndruar në Beograd në takim në Ministrinë e ekonomisë dhe zhvillimit regjional si dhe në Ministrinë e drejtësisë.

BUJANOC - Në bisedat e ndara është biseduar për situatën ekonomike në Komunën e Bujanocit, mundësinë e ndërmarrjes së hapave konkret për biznesin lokal, privatizimin e ndërmarrjeve me theks të veçantë në privatizimin e Banjës së Bujanocit. Në këtë kontekst, zv. Ministri Qiriq ka premtuar realizimin e një takimi të ri në afat kohorë prej një muaji në të cilin do të jepen propozime konkrete për zhvillim ekonomik.
Në takimin e realizuar në ministrinë e drejtësisë është kërkuar participim adekuat i shqiptarëve organet e gjyqësisë, përdorim zyrtar të gjuhës shqipe dhe angazhim të kuadrove plotësuese shqiptare në këto organe. Edhe në këtë ministri është premtuar ndërmarrja e masave shumë të shpejta për sanimin e gjendjes pas fillimit të reformës së gjyqësisë.

Euroambasadori Ervan Fuere

FUERE: NUMRI I MADH I AZILKËRKUESVE NGA LIKOVA

Euroambasadori Ervan Fuere e vlerëson si shqetësuese gjendjen me numrin e madh të azilantëve nga Likova në Belgjikë.
"Kjo gjendje me të vërtetë është shqetësuese dhe si rezultat i kësaj i tërë rajoni do të vizitohet nga kryeministri i Belgjikës.
I vlerësojmë përpjekjet e Ministrisë së Punëve të Brendshme, por duhet të bëhen ende përpjekje shtesë që të pengohen agjencitë turistike ta keqpërdorin besimin e njerëzve dhe t'u ofrojnë udhëtime në vendet e BE-së, për arsye se e gjithë kjo është në kundërshtim me frymën e liberalizimit të vizave përderisa po bëhet keqpërdorim", deklaroi euroambasadori Fuere, duke iu përgjigjur pyetjes së gazetarëve pas nënshkrimit të marrëveshjes pesëvjeçare për financimin 2007-2009 për komponentën IPA 5 - Zhvillim rural në Qeverinë e Republikës së Maqedonisë.
Ai pret që Qeveria të bëjë përpjekje për përmirësimin e zhvillimit ekonomik dhe mundësitë në margjinalizim e bashkësive si dhe për përmirësimin e infrastrukturës dhe hapjen e vendeve të reja të punës në Likovë dhe Haraçinë.
"Ndërkaq kjo nuk paraqet kurrfarë arsyetimi që njerëzit t'i braktisin vendet e tyre që të kërkojnë punë në të zezë në vendet-anëtare të Bashkimit Evropian. E vlerësojmë deklaratën e kryeministrit Nikolla Gruevski i cili tha se do të ndërmerren masa shtesë për pengimin e paraqitjes së azilantëve nga Maqedonia në BE", theksoi Fuere.
Zëvendëskryeministri i obliguar për çështje evropiane Vasko Naumovski në emër të Qeverisë së Republikës së Maqedonisë u bëri apel qytetarëve të përmbahen nga udhëtimet e këtilla për arsye se, siç tha, gjasat për fitimin e azilit të qytetarëve të Maqedonisë në ndonjë vend-anëtar të BE-së janë të barabarta me zero.
"Jo vetëm që këto qytetarë nuk do të fitojnë azil dhe jo vetëm që sërish do të kthehen në Republikën e Maqedonisë, por ekziston një mundësi e madhe që të marrin edhe ndalesë më shumëvjeçare ose ndalesë të përhershme për hyrje në zonën e Shengenit që me siguri nuk është kjo që e dëshirojnë", tha zëvendëskryeministri Naumovski.
Ai premtoi se të gjitha institucionet kompetente do të vazhdojnë me aktivitetet që paraqitja e parë të azilantëve ta përfundohet sa më shpejtë dhe ta parandalohet me sukses./mia/.

Tryeza e rrumbullakët

MBËSHTETJA PËR KËSHILLAT NACIONAL DHE RAPORTI I TYRE ME MEDIAT

BUJANOC - Në Bujanoc, të martën e dy marsit u mbajt një tryezë e rrumbullakët me temë "Mbështetja për këshillat nacional dhe raporti i tyre me mediat"
"Mbështetja formimit të këshillave nacional të pakicave etnike" dhe "Këshillat nacional dhe Mediat", ishin temat e tryezës së sotme që u mbajt të martën në Bujanoc, organizuar nga Organizata për Siguri dhe Bashkëpunim Evropian - , Agjencioni Amerikan për Zhvillim Ndërkombëtar - USAID dhe organizata amerikane Instituti Demokratik Kombëtar - NDI.
Në këtë tryezë kanë marrë pjesë përfaqësues të organizatave të lartpërmendura, përfaqësues të subjekteve politike shqiptare dhe udhëheqësit e gazetarët e mediave nga Bujanoci, Presheva dhe Vranja.
Majkël Harvi, drejtor i misionit të USAID-it në Serbi, organizatë e cila ka ndihmuar kampanjën e regjistrimit të qytetarëve për zgjedhje të këshillit nacional, tha se USAID bashkërisht me NDI dhe OSBE-në kanë ndihmuar përfaqësuesit e pakicave që të organizohen dhe të përgatiten për zgjedhje të drejtpërdrejta.
Sot jemi në Bujanoc për të inkurajuar pakicat etnike shqiptare dhe rome për t'u regjistruar për zgjedhje të këshillave nacional, tha Harvi, duke shtuar se si miq të kësaj pjesë të Serbisë presim që këta këshilla nacional të formohen sepse do të jenë të dobishëm si për këtë rajon ashtu edhe për tërë Serbinë.
Tomas Keli, drejtor i NDI-së, programi në Serbi theksoi se mediat luajnë një rol të rëndësishëm kampanjës dhe zgjedhjeve për këshill nacional. Ai tha se mediat duhet të theksojnë rëndësinë e këtij organi dhe të mbajnë qeverinë dhe liderët lokal përgjegjës për përmbajtjen e fushatës.
Sipas Kelit, mediat kanë një rol të rëndësishëm të njoftojnë qytetarët për rëndësinë e regjistrimit dhe daljes në zgjedhje për këshill nacional. Mediat kanë edhe një rol tjetër të rëndësishëm, shtoi ai, që të ftojnë qeverinë të jetë përgjegjëse për mbarëvajtjen e zgjedhjeve, e po ashtu që edhe liderët lokal dhe kandidatët të jenë përgjegjës për programet dhe propozimet e tyre.
Shefja e departamentit të mediave pranë misionit të OSBE-së, Dragana Nikoliq - Solomon tha se qëllimi i kësaj tryeze është të njoftojmë mediat për rëndësinë e procesit të rëndësishëm për pakicat, siç është themelimi i këshillit nacional.
Mediat duhet të inspirojnë qytetarët që të dalin sepse zgjedhjet e drejtpërdrejta janë mënyra më transparente e realizimit të drejtave të pakicave dhe siguron laramaninë e këshillit nacional. Prandaj edhe këshilli duhet të pasqyrojë këtë laramani e cila ekziston në këto rajone, theksoi Nikoliq - Solomon.
Kryetari i komunës së Bujanocit, Shaip Kamberi, tryezën e mbajtur e vlerëson si të dobishme për shkak të informimit të drejtë te mediave rreth themelimit të këshillit nacional.
Sipas Kamberit, deri më tani ka pasur mangësi në informim rreth formimit të Këshillit Nacional, sepse disa media i kanë dhënë hapësirë opsionit kundër zgjedhjeve të këshillit me votime të drejtpërdrejta, e jo edhe opsionit tjetër, të cilin sipas tij është duke e mbështetur më shumë popullata.
Të ju përkujtojmë se data 9 mars është afati i fundit ligjor për përpilimin e listës së posaçme zgjedhore që mundëson zgjedhje të drejtpërdrejta të këshillit nacional. Shqiptarët e Luginës së Preshevës duhet të përpilojnë listën me 24 mijë e 600 votues.
Deri të hënën, siç deklaroi deputeti Riza Halimi në një konferencë për shtyp, janë grumbulluar rreth 22 mijë deklarata të shqiptarëve të cilët dëshirojnë të dalin në votime për këshill, që parashihen të mbahen në muajin qershor/TV "Bujanoci"/

Në Preshevë

ARRESTOHET NJË POLIC SERB, I DYSHUAR PËR VRASJEN E SHQIPTARIT TË MAQEDONISË

PRESHEVË - Policia e Serbisë ka arrestuar një pjesëtar të vetin, të enjten, për vrasjen e një shqiptari të Maqedonisë në autostradën Shkup - Beograd. Informacioni nuk konfirmohet nga MPB-ja e Vrajës e as nga gjykata, por është dhënë nga burime brenda policisë në Preshevë.
MPB-ja e Vrajës thekson se ngjarja ka ndodhur në afërsi të fshatit Zhunicë të Komunës së Preshevës, 10 kilometra larg vendkalimit kufitar mes Maqedonisë dhe Serbisë, në magjistralen Beograd - Shkup.
Sipas komunikatës së policisë së Vrajës, i vrari është Mahir Jakupi, një shqiptar nga fshati Forinë i komunës së Gostivarit, i lindur në vitin 1970. Burime alternative bëjnë të ditur se i ndjeri Mahir Jakupi është vrarë me armë zjarri me disa të shtëna prapa shpine në automobilin e tij të tipit "Ford Escort", me tabela të Gostivarit dhe dyshohet që këtë vepër kriminale ta ketë kryer ndonjë bashkudhëtar i të ndjerit.
Lidhur me këtë rast dhe kapjen e autorit të këtij krimi, policia thotë se është duke hetuar rastin.
Sipas informatave të dhëna nga gjykatësi hetues i Gjykatës Themelore të Vranjës, Stanisha Mihajloviq, lidhur me vrasjen që ka ndodhur në mëngjesin e së mërkurës, bëhet e ditur se Mahir Jakupi është qëlluar me armë zjarri në kokë. Gjykata thotë se ende nuk dihet kush e ka kryer vrasjen dhe shton se hollësitë do të jepen gjatë ditëve në vazhdim.
Ndërkaq, burimet e policisë në Preshevë kanë njoftuar, të enjten, se polici serb nga Presheva, Zoran Memaroviq është arrestuar nën dyshimin se ka vrarë shtetasin shqiptar të Maqedonisë Mahir Jakupi.
Po të njëjtat burime bëjnë të ditur se polici Memaroviq, 43-vjeçar, është arrestuar të enjten, nën dyshimin se ka vrarë në mëngjes shqiptarin nga Gostivari. Policia lokale e Preshevës, po ashtu, ka njoftuar se polici serb kur e ka kryer vrasjen ka qenë me uniformë të policisë.
Policia serbe tha se me një aktivitet operativ ka mësuar se veprën penale "e ka kryer një person i veshur me uniformën e policisë" dhe i cili është parë duke ikur nga vendi i kryerjes së veprës penale në drejtim të Vranjës.

Në Preshevë

VIHET GURTHEMELI I MEDRESESË

PRESHEVË - Në ish lokalet e këshillit të Bashkësisë Islame në Preshevë është vënë sot gurthemeli për ndërtimin e medresesë në Preshevë. Pjesëmarrës në vënien e gurthemelit të medresesë ishin përfaqësues të Këshillit të Bashkësisë Islame të Kosovës në Preshevë, përfaqësues të institucioneve të ndryshme nga komuna si dhe qytetarë të shumtë të besimit islam.
Vënia e gurthemelit për ndërtimin e këtij institucioni edukativ arsimor e fetar ka rëndësi për gjithë qytetarët e Luginës së Preshevës. Pas këndimit të disa ajeteve Kur'anore fjalën e mori kryetari i Këshillit të Bashkësisë Islame të Kosovës në Preshevë dr, Adnan Efendi Ahmedi. Ndërkaq më pas fjalën e mori edhe zëvendës kryetari i këshillit të bashkësisë islame në Kosovë Fahrush Efendi Rexhepi, i cili i uroi të gjithë qytetarëve të Luginës së Preshevës për fillimin e ndërtimit të një institucioni edukativ me karakter fetar. Duke thënë se aty ku ndërtohen objekte fetare në at vend mbretëron paqja mëshira dhe solidariteti mes njëri tjetrit. Para pjesëmarrësve për rëndësinë në ndërtimit të kësaj medreseje foli edhe doc. Prof. dr Muhamed Aruci, i cili njëherit është edhe donator për ndërtimin e kësaj medreseje e cila do të shërbej për gjithë qytetarët e besimit islam në Luginë të Preshevës.
Më pas në fund me përcjelljen e fjalëve Allahu Ekber - Allahu është më i madh është vënë gurthemeli i medresesë në Preshevë, e cila do jete vatër për gjithë brezat e rinj të besimit islam në gjithë territorin e Luginës së Preshevës. Që nga viti 1945 atëherë kur është ndërtuar medreseja e parë në këtë rajon në krye me hoxhën hafëz Nexhatiun.

PREZANTOHEN REZULTATET E STUDIMIT TE FIZIBILITETIT PËR ARSIMIN E LARTË NË LUGINË

Qendra për rezistencë jo të dhunshme, qendra për politika zhvillimore në Serbi, përfaqësues të Ministrisë së Arsimit, të Trupit Koordinues si dhe përfaqësuese të OSBE-së janë bartës të analizave që kanë prezantuar sot rezultatet preliminare të studimit të fizibilitetit lidhur me zhvillimin e arsimit të lartë në gjuhën shqipe e serbe në komunat Preshevë dhe Bujanoc.
Në paraqitjen e këtij studimi kanë prezantuar përfaqësues të ndryshëm të organizatave ndërkombëtare si, Robert Shup dhe Sebastian Duorak përfaqësues të lartë për të drejtat e njeriut dhe pakicave, Marian Mahafi përfaqësuese e Organizatës për Siguri dhe Bashkëpunim Evropian, Nenad Gjurgjeviq drejtor i Shërbimit të Trupit Koordinues për komunat Preshevë, Bujanoc dhe Medvegjë si dhe përfaqësues të tjerë. Ndërkaq, rezultatet për studimi në fjalë u prezantua para përfaqësuesve të politikës shqiptare të Luginës, deputetit popullor Riza Halimi, kryetarëve të komunave të Preshevës e Bujanocit Ragmi Mustafa e Shaip Kamberi , zëvendës kryetarët e komunave Rahmi Zylfiu e Nagip Arifi,si dhe kryetarit të Kuvendit të Bujanocit Jonuz Musliu. Gjatë këtij takimi patën rastin të marrin pjesë edhe drejtorë të shkollave të mesme e fillore si dhe përfaqësues të organizatave të ndryshme joqeveritare që veprojnë në këto komuna. Me këtë rast para të pranishmëve janë shtjelluar konkretisht temat që kanë të bëjnë me arsimin e lartë në gjuhën shqipe. Vlen të theksohet se përfaqësuesit politik shqiptarë shprehen të kënaqur me kahjet që janë marrë, gjë që sipas tyre duhen edhe disa plotësime shtesë. Me hapjen e fakulteteve në gjuhën shqipe në komunën e Preshevës e Bujanocit do të kenë mundësi studimi edhe studentë të nacionaliteteve tjera që mund të studiojnë në gjuhën e tyre të preferuar.

Me aktivitete të larmishme kulturore në Preshevë

SHËNOHET 17 SHKURTI-DITA E PAVARËSISËSË KOSOVËS

Për herë të parë edhe në Luginë të Preshevës është shënuar 17 Shkurti -Dita e Pavarësisë së Kosovës. C'është e vërteta, sot janë mbajtur një sërë aktivitete kulturore të cilat kanë filluar në orën 12e 30 min në shtëpinë e kulturës "Abdulla Krashnica " në Preshevë. Sipas programit të organizatorëve,gjegjësisht,shtëpisë së kulturës dhe të Ndërmarrjes Informative Publike "Presheva"në këtë manifestim,fillimisht është bërë intonimi i himnit kombëtar e më pas janë nderuar dëshmorët me një minutë heshtje,për të vazhduar pastaj me shfaqjen e recitalit me titull " Një ditë që na bashkon", si dhe është mbajtur akademi solemne, ku para të pranishmeve të shumtë që kishin ardhur nga i gjithë rajoni i Luginës së Preshevës u paraqitën përfaqësuesit e pushtetit lokal dhe të partive politike, më saktësisht prefekti i Komunës së Preshevës Ragmi Mustafa,që është edhe kryetar i Partisë Demokratike Shqiptare si dhe përfaqësuesit e shoqatës së historianëve të Luginës së Preshevës,ku u fol për rëndësinë e pavarësisë së Republikës së Kosovës dhe përpjekjet e popullit shqiptarë në përgjithësi për fitimin e lirisë shumë të kërkuar dhe për sakrificat e popullit shqiptarë që është sakrifikuar. Sipas organizatorëve, respektivisht të Shtëpisë së Kulturës së Preshevës dhe NIP "Presheva" në këtë manifestim u shfaqën edhe programet të ndryshme artistike , të paraprirë nga një recital kushtuar komandantit legjendar Adem Jashari,të përgatitur nga aktorët preshevarë Gani Veseli dhe Artan Ibishi, si dhe më pas, u shfaqen edhe programe të tjera kulturore e artistike të shoqëruar me pika muzikore të karakterit kombëtar nga shoqëria kulturore "Rexho Mulliqi" të qytetit të Preshevës. Kësisoj,sot më 17 shkurt në Luginë të Preshevës mbretëroi një atmosferë festive,ndonëse në fytyrat e njerëzve fshihet gëzimi, por edhe brenga për fatin e shqiptarëve të këtij rajoni që përballen me probleme të shumta nga më të ndryshmet,aq më tepër kur kujtohen shpërthimet e para dy dite që kishte shqetësua popullatën e Luginës së Preshevës. Ndryshe ,edhe përkundër këtyre manifestimeve,që u mbajtën sot me rastin e Pavarësisë së Kosovës, nuk kishte vërejtur ndonjë aktivitet i shtuar i organeve të endit dhe gjendja nëpër rrugët e Preshevës është e zakonshme, gjë të cilën e dëshirojmë të mbetet ashtu.

Shpërthim i fuqishëm në Bujanoc

PLAGOSET RENDË NJË POLIC SHQIPTAR

Bujanoc - Blerim Mustafa, pjesëtar i policisë multi-etnike të Buanocit, është plagosur rëndë nga një shpërthim i fuqishëm, i vendosur në veturën e tij, me ç` rast është plagosur edhe bashkëshortja e tij, Lutfije Mustafa, si dhe dy vajza të shkollës së mesme të Bujanocit, kalimtare të rastit.
Ngjarja ka ndodhur të dielën mbrëma, derisa Mustafa me të shoqen kanë hyrë në një kafene për të pirë nga një kafe, dhe teksa dalin për t`u kthyer për në shtëpi, me veturën e tij, të tipit Peugeot 205, që ka qenë e parkuar në afërsi të kafenesë, me të hyrë brenda në veturë, shpërthen mjeti eksplodues, ku sipas burimeve policore të jetë vendosur nën veturën e tij.
Po ashtu, mbështetur në burimet policore serbe, ato bëjnë të ditura se mbrëmë rreth orës 21:00, në Bujanoc, nga një shpërthim me mjet eksplozivi, i vendosur nën automjetin e pjesëtarit të policisë multi-entike, Blerim Mustafa, ai thuhet të ketë marrë plagë të rënda, në të dy ekstremitetet e poshtme, në kraharor dhe në kokë, ndërsa bashkëshortja e tij, të jetë lënduar më lehtë dhe se nga ndihma e emergjencës në Vranjë, është kthyer në shtëpi.
Detonimi i fuqishëm ka shqetësuar në masë të madhe qytetarët e Bujanocit, veçmas qytetarët që kanë qenë në afërsi të shpërthimit, me ç`rast ata nga frika dhe shqetësimi i detonimit të fortë, disa prej tyre, veçmas të moshuarit kanë kërkuar edhe ndihmën mjekësore.
Sipas një komunikate të policisë, Blerim Mustafa para pak kohësh ishte transferuar nga Bujanoci në vendkalimin kufitar të Preshevës. Ndaj, familjes së tij, kushëririt Besimit, persona të panjohur kanë hapur zjarr në vitin 2001, në kohën kur Besimi vijonte shkollën për polici multietnike. Bazuar në të njëjtat burime, Mustafa ka qenë disa herë në shënjestër të sulmeve dhe ka marrë kërcënime nga disa bashkëkombës të vet shqiptarë, të cilëve nuk u ka pëlqyer angazhimi i tij në polici.
Polici multi-etnik, Blerim Mustafa, është transportuar në Qendrën Emergjente në Beograd, ku e ka pritur ministri i Brendshëm serb Ivica Daçiq, i cili sulmin ndaj policit e ka cilësuar si "akt terrorist".
Lidhur me incidentin e mbrëmshëm ka reaguar të hënën, edhe ish-shefi i UÇPMB-së, Jonuz Musliu, njëherësh dhe kryetar i asamblesë komunale të Bujanocit, i cili për ngjarjen në fjalë deklaroi: "Incidenti, i cili ka ndodhur, në ditën e Shën Valentinit, në Komunën e Bujanocit edhe atë me një vend ku ishin të pranishëm një numër i madh i të rinjve shqiptarë, është një ngjarje që ka ngjallur frikë dhe panik tek qytetarët e kësaj komune".
"Pavarësisht se kush qëndron pasa këtij incidenti dhe incidenteve të ngjashme, ne i gjykojmë dhe i kemi gjykuar vazhdimisht", u shpreh Musliu. Sipas Musliut, drejtësia duhet ta thotë fjalën e vetë për këtë dhe incident e tjera, që kanë ndodhur në të kaluarën, duke i zbardhur ato dhe duke i nxjerrë para drejtësisë aktorët e tyre.
"Kualifikimet e zyrtarëve të Beogradit për këtë incident dhe tendenca për politizimin e tij, para se drejtësia ta thotë fjalën e vet, kjo bëhet për motive politike dhe nuk i kontribuon stabilizimit të rajonit", theksoi Musliu, duke shtuar se "ne kemi kërkuar vazhdimisht avancimin e policisë multi-etnike, si bartëse kryesore për mbajtjen e rendit dhe qetësisë në rajon".
Ndërkaq, incidenti i ndodhur mbrëmë ka çuar në këmbë gati tërë Ministrinë e Punëve të Brendshme dhe policinë e Serbisë, të cilët të hënën, vërshuan Bujanocin.

Lugina

GJYKOHET ASHPËR INCIDENTI NË BUJANOC

PRESHEVË - Përfaqësuesit institucionalë dhe të partive politike shqiptare të Luginës së Preshevës kanë gjykuar ashpër incidentin e fundit në Bujanoc me ç'rast nga një shpërthim i fuqishëm u plagos rëndë një pjesëtar shqiptar i policisë multietnike.
Lidhur me këtë rast,deputeti popullor Riza Halimi,që njëherësh është edhe kryetar i PVD-së në Luginë të Preshevës,ka deklaruar se me këto ngjarje po mungon një veprim profesional i zbardhjes së të gjitha këtyre incidenteve dhe procesuimi adekuat i këtyre akteve kriminale.Haimi thotë, se deklaratat e nxehta të zyrtarëve serbë duhet të zëvendësohen me një punë më efikase dhe konkrete në parandalimin e këtyre incidenteve dhe organet e rendit të merren me sigurimin e qetësisë së qytetarëve dhe zbardhjen e jo vetëm të këtyre incidenteve por edhe me ato që kanë ndodhur më parë në këtë rajon.
Ndërkaq, prefekti i Preshevës Ragmi Mustafa, që është edhe kryetar i PDSH-së, përkitazi me këtë rast, ka deklaruar se kërkojmë nga organet e rendit sa më parë të zbulohen aktorët e dhunës dhe mos të mbesim këto enigme dhe thotë se zyrtarët shtetërorë më tepër po merren me paraqitje publike se sa punojnë në zbardhjen e këtyre rasteve që rrezikojnë situatën e sigurisë në Luginë të Preshevës.

Bujanoc

AMBASADORI I HOLANDËS VIZITOI BUJANOCIN

BUJANOC - Kryetari i Komunës së Bujanocit Shaip Kamberi, ka pritur në kabinetin e tij, ambasadorin e Holandës në Serbi z. Ron Van Dortel. Qëllimi i këtij takimi ishte njohja për së afërmi me gjendjen aktuale në Luginën e Preshevës.
Gjatë këtij takimi u prekën disa çështje më të rëndësishme, siç është themelimi i Këshillit Nacional, gjithashtu është biseduar edhe për mundësinë e hapjes së një fakulteti në Luginën e Preshevës, si dhe kyçja e përfaqësuesve serbë në koalicionin ekzistues dhe probleme të tjera në sistemin gjyqësor.
"Shqiptarët kanë mbështetjen tonë të potë për formimin e Këshillit nacional dhe atë përmes zgjedhjeve të drejtpërdrejta,meqë këshillat nacionale para se gjithash do të krijojnë më shumë bashkëpunim mes partive politike shqiptare, gjithashtu janë instrument i rëndësishëm që të punojnë në fusha të ndryshme siç janë mediat dhe kultura", tha Van Darten. Ambasadori shtoi se për shqiptarët Këshilli nacional do të thotë bashkëpunim më të mirë me Trupin Koordinues dhe me pushtetin qendror në Beograd.

Lugina Preshevës

MBAHET SEANCA E TRE KUVENDEVE

PRESHEVË - Në Preshevë u mbajt mbledhja e përbashkët e kryesisë së ngushtë të tre kuvendeve shqiptare për Preshevë, Bujanoc dhe Medvegjë. Në këtë mbledhje morën pjesë liderët e partive politike të Luginë së Preshevës dhe përfaqësuesit e institucioneve udhëheqëse komunale si kryetarët e komunave dhe të kuvendeve.
Në këtë takim u shqyrtua situata aktuale dhe politike e Luginës së Preshevës. Të pranishmit kanë konfirmuar edhe mbajtjen e një seance të përbashkët të tri kuvendeve shqiptare për Preshevë, Bujanoc dhe Medvegjë që do të mbahet më 13 shkurt 2010. Në kuadër të kësaj mbledhje është formuar edhe grupi i punës ku do të bëjnë përpilimin e materialit për seancën e 13 shkurtit. Në këtë mbledhje sipas Kryetarit të komunës së Preshevës, Ragmi Mustafa do të diskutohet për situatën politike dhe të sigurisë në Preshevë, Bujanoc dhe Medvegjë si dhe situatën e krijuar ditëve të fundit në Luginë të Preshevës, me rastin e largimit të shqiptarëve nga institucionet shtetërore, gjyqësi, prokurori, kundërvajte dhe gjeodezi.
Ndër problemet e tjera që evidente janë edhe qarkullimi i lirë i njerëzve dhe i mallrave, mos hapja e kalimeve kufitare, koncentrimi i forcave të ushtrisë dhe të xhandarmërisë në Luginë të Preshevës si dhe problemi i mosnjohjes së diplomave me vulën Republika e Kosovës. Kryetari i Komunës së Preshevës, Ragmi Mustafa ka deklaruar se ditëve në vazhdim do të bëhen edhe parapërgatitjet për ndryshimet eventuale në Paltformën Politike të 14 majit të vitit 2006.
Në këtë takim gjithashtu është marrë edhe vendimi për përpilimin e një rregulloreje të punës që do të punohet nga kryesia e ngushtë e tre kuvendeve shqiptare. Pas përfundimit të kuvendit të përbashkët do të përpilohen edhe konkluzionet që do tu referohen institucioneve ndërkombëtare për të anashkaluar problemet dhe për të treguar siguri të vazhdueshme në këto treva.
Me takimet e kryesisë së ngushtë të tre kuvendeve shqiptare dëshmohet se shqiptarët për cështje të përbashkëta janë të bashkuar dhe duan zgjidhje të merituar duke u bazuar në Konventën ndërkombëtare për të drejtat individuale dhe kolektive ka deklaruar për Radiotelevizionin Presheva, Ragmi Mustafa.

Bujanoc

OSBE MBËSHTET FORMIMIN E KËSHILLIT NACIONAL

BUJANOC - Zëvendës shefi i OSBE-së në Beograd Tomas Mur, qëndroi për një vizitë në Komunën e Bujanocit, ku u takua me deputetin popullor Riza Halimin dhe kryetarin e Komunës së Bujanocit Shaip Kamberin. Gjatë takimit të sotëm prezent ishte edhe koordinatori i Zyrës së OSBE-së për Jug të Serbisë Jeruen Devriz.
Temë qendrore e takimit të sotëm ishte formimi i Këshillit Nacional që delegacioni në fjalë është njoftuar me aktivitetet që po zhvillohen në terren rreth formimit të këtij këshilli kombëtar. Pas këtij takimi zëvendësshefi i OSBE-së Tomas Mur theksoi se me zgjedhjen e Këshillit Kombëtar Shqiptar nëpërmjet zgjedhjeve të drejtpërdrejta bashkësia shqiptare do të mundësoj fonde të shumta nga fondet qendrore në Beograd. Në fund zoti Mur potencoi se OSBE e përkrah këtë aktivitet si dhe përkrah qytetarët në të gjitha proceset.
Ndërkaq, deputeti popullor Riza Halimi, njëherit edhe kryetar i Partisë për Veprim Demokratik theksoi se e njoftuam zëvendësshefin e OSBE-së zotin Mur me aktivitet që po zhvillohen rreth formimit të Këshillit Nacional. Po ashtu zoti Halimi deklaroi se gjatë takimit të sotëm zoti Mur është njoftuar se deri në këto momente janë siguruar gjysma së nënshkrimeve të parapara me ligj. Sipas fjalëve të deputetit deri në ditën e djeshme në komunën e Preshevës janë siguruar 6 mijë nënshkrime, në Bujanoc mbi 7 mijë dhe në Komunën e Medvegjës 450 nënshkrime.
Edhe kryetari i Komunës së Bujanocit Shaip Kamberi shprehet se delegacioni në fjalë gjatë takimit të sotëm dha përkrahjen për themelimin e Këshillit Nacional e në veçanti përkrah formën e zgjedhjeve të drejtpërdrejta. Delegacioni në fjalë pas përfundimit të këtij takimi vizitoi edhe zyrën komunale për azhurimin e listave zgjedhore. Vizata e zëvendësshefit të OSBE-së në Beograd vazhdoi edhe me kryetarin e Kuvendit të komunës së Bujanocit Jonuz Musliu, njëherit edhe kryetar i Lëvizjes për Progres Demokratik në Bujanoc.

Bujanoc

TAKIMI I TRUPIN KOORDINUES ME DYER TË MBYLLURA

BUJANOC - Në takimin e afro pesë orësh të kryesisë së ngushtë të Trupit Koordinues për komunat: Preshevë, Bujanoc dhe Medvegjë, janë shqyrtuar një varg temash që kanë të bëjnë me gjendjen politike në vend, buxhetin e këtij institucioni për vitin 2010 dhe në mënyrë të veçantë është diskutuar edhe për Televizionin Presheva.
Kësaj problematike i u kushtua një vëmendje e posaçme pasi Agjencioni Radio Difuziv ka kërkuar asistencën e policisë lokale për të kryer ndërprerjen e sinjalit të TV Presheva gjatë ditës së mërkurë. Pas përfundimit të takimit, Ministri i pushtetit lokal Milan Markoviç në pyetjen tonë se a do të ekzekutohet vendimi i Agjencionit Radio Difuziv, tha se TV Presheva nuk do të mbyllet. Përfaqësuesit e pushtetit lokal kryetari i komunës, Ragmi Mustafa dhe i kuvendit, Skender Destani dhe deputeti popullor, Riza Halimi potencuan se TVP do të vazhdojë punën e sajë të rregullt dhe se shumë shpejt do të sigurohet frekuenca.
Gjithashtu në këtë takim me dyer të mbyllura për mediat, njëzëri është dakorduar që prej buxhetit të tërësishëm prej 229.278.000 dinarë për këtë vit të ndahen edhe atë:
Komunës së Bujanocit i takon 42 % (96.296.760 dinarë), Komunës së Preshevës i takon 40.5 % (92.857.590 dinarë) dhe Komunës së Medvegjës i takon 17.5 % (40.123.650 dinarë).

Preshevë

SHTYHET GJYKIMI NDAJ SHQIPTARËVE

PRESHEVË - LKSH e Preshevës kundërshton shtyrjen e djeshme të 1 shkurtit 2010, të gjykimit të shqiptarëve të këtij rajoni nga gjykata serbe e Beogradit dhe thotë, se ky prolongim është me prapavijë politike që i konvenon pushtetarëve të këtij shteti.
Lideri i Lëvizjes Kombëtare Shqiptare në Luginë të Preshevës, Orhan Rexhepi, që është caktuar nga prindërit për përcjelljen e procesit gjyqësor,shtyrjen e gjykimit të nëntë, përkatësisht shtatëmbëdhjetë shqiptarëve të Luginës së Preshevës, gjoja se kanë kryer krime lufte ndaj serbëve dhe jo shqiptarëve të tjerë në rrethin e Gjilanit, e vlerëson prolongim të panevojshëm dhe me prapavijë politike, sepse ky prolongim i konvenon qeverisë së Serbisë për qëllime të veta.
Lideri i LKSH-së Rexhepi, deklaroi se problemi i gjykatës serbe, është se ajo nuk mund të siguron dëshmitarë që i pëlqejnë atyre dhe thotë, se, ka kaluar koha kur gjithçka montonin dhe fabrikonin për shqiptarët edhe pse patën paralajmëruar se ky gjykim do të jetë sipas standardeve ndërkombëtare. Megjithatë, tërheq vërejtjen Rexhepi, pushtetarët serb nuk e kanë harruar zanatin e vjetër dhe shih për këtë, ata tentojnë t'i rikthejnë dëshmitarët të cilët kanë dështuar tërësisht gjatë dëshmive të tyre të pabaza, përfundon Rexhepi.
Theksojmë, se gjykimi i shqiptarëve nga Lugina e Preshevës në Beograd, të cilët akuzohen për krime lufte kundër serbëve, romëve e edhe ndonjë shqiptari spiun që kinse paskan kryer në periudhën qershor- tetor të vitit 1999 në Gjilan e rrethinë,do të vazhdoj pas një jave, më 8 shkurt 2010. (Avni Jusufi)

Bujanoc

PËRFAQËSUES TË AMBASADËS SË BRITANISË SË MADHE NË BUJANOC

BUJANOC - Përfaqësues të ambasadës së Britanisë së Madhe në Serbi, në krye me sekretaren e parë Cathy Cottrell, vizituan sot komunën e Bujanocit, me ç'rast në takime të ndara biseduan me kryetarin e komunës, Shaip Kamberin dhe kryetarin e Kuvendit Komunal, Jonuz Musliu.
Temë kyçe në takimin e kryetarit të komunës me delegacionin britanik ishin formimi i Këshillit Nacional të shqiptarëve të Luginës së Preshevës dhe hapja e fakulteteve në gjuhën shqipe në Bujanoc dhe Preshevë. Sekretarja e parë e ambasadës britanike, Cathy Cottrell theksoi pas takimit se kjo ambasadë është duke përcjell me vëmendje ngjarjet rreth formimit të Këshillit Nacional të shqiptarëve. Sipas saj formimi i këshillit është një mundësi e mirë që shqiptarët t'i realizojnë të drejtat e tyre në sfera të ndryshme.
Është shumë e rëndësishme, theksoi Cottrell, që me formimin e këshillit nacional pakica shqiptare në Luginën e Preshevës të përfitojë mundësinë që të prezantohet në sferat e gjuhës, identitetit kulturor dhe arsimit. Do të jetë shumë e rëndësishme që përfaqësimi në këtë këshill të jetë sa më i gjerë dhe formimi i tij të mbështetet sa më tepër. Gjithashtu është e rëndësishme që të gjithë akterët politikë shqiptarë të jenë të inkuadruar në këtë proces.
Edhe pse ambasada e Britanisë së Madhe është gjithmonë e interesuar dhe ka marrë pjesë prej fillimit në zgjidhjen e problemeve të shqiptarëve të Luginës së Preshevës, megjithatë shumë probleme, siç janë demilitarizimi dhe integrimi i shqiptarëve në institucionet shtetërore nuk janë zgjidhur, dhe këto i potencova në takimin e sotëm, theksoi kryetari i Kuvendit Komunal, Jonuz Musliu. Në takimet u bisedua edhe rreth reformave të fundit në organet gjyqësore. Kjo ishte vizita e parë e përfaqësuesve të ambasadës së Britanisë së Madhe në Bujanoc në vitin 2010.

SUPRIMIMI GJYKATAVE NË LUGINË SHKEL TË DREJTËN E SHQIPTARËVE

PRESHEVË - Riza Halimi, deputet në Parlamentin e Serbisë nga Lugina e Preshevës dhe kryetar i Partisë Shqiptare për Veprim Demokratik, i deklaroi agjencisë serbe "FoNet" se suprimimi nga Beogradi i gjykatave ne Presheve dhe Bujanoc shkel dhe kërcënon të drejtën e shqiptarëve për të përdorur gjuhën amtare në gjykata, si dhe se centralizimi i sistemit gjyqësor godet në radhë të parë shqiptarët në Preshevë.
"Në këtë mënyrë, rrymave radikale u jepet një argument tjetër se përse nuk duhet të bashkëpunohet me organet shtetërore të Serbisë", vlerësoi z. Halimi, sipas të cilit, duke suprimuar gjykatat në Preshevë dhe Bujanoc, banorët e këtyre zonave duhet të udhëtojnë deri në 120 kilometra për në Vranjë për të marrë edhe shkresën më të zakonshme, gjë që, veç të tjerave, do t'u sjellë atyre shpenzime të mëdha dhe humbje kohe të panevojshme. Halimi gjithashtu vuri në dukje se në administratën e Komunës së Preshevës në kohë të fundit janë pushuar nga puna punonjës që komunikonin në gjuhët shqipe e serbe dhe që kishin mbaruar shkollë të lartë, duke u zëvendësuar me serbë pa shkollë përkatëse dhe që kishin dalë si "tepricë teknologjike" në Vranjë dhe Bujanoc. Këta shembuj, vuri në dukje kryetari i Partisë shqiptare për Veprim Demokratik, tregojnë për margjinalizimin e popullsisë shqiptare dhe se autoritetet serbe kërcënojnë në mënyrë drastike të drejtat e saj elementare të njeriut.
Kryetari i Kuvendit të Komunës së Preshevës, Ragmi Mustafa, nga ana e tij, i deklaroi kësaj agjencie serbe se suprimimi i gjykatave në Preshevë dhe Bujanoc është një arsye për një "shqetësim serioz midis banorëve të tyre", "U suprimua një institucion që funksiononte në dy gjuhë, nuk u mor aspak parasysh fakti se Komuna e Preshevës ndodhet në një zonë në kufi me Kosovën dhe Maqedoninë. Këtu ka një qarkullim transit shumë të madh njerëzish dhe shumë më tepër lëndë sesa në gjykatat e komunave të tjera", tha z. Mustafa. Ai theksoi se si do të mund të zgjidhen këto lëndë gjyqësore në kohën e duhur në Gjykatën e Vranjës, kur ndërkohë në këtë të fundit është pakësuar numri i gjyqtarëve dhe është rritur volumi i punës. Ai vuri në dukje se pikërisht duke pasur parasysh këtë gjendje, "Kuvendi i Komunës ka kërkuar krijimin e një gjykate themeltare dhe të një prokurorie për Komunat e Preshevës, Bujanocit dhe të Medvegjës me seli në Preshevë".

Lugina e Preshevës

SHQIPTARËT E LUGINËS KËRKOJNË THEMELIMIN E GJYKATAVE TË VETA

PRESHEVË- Këshilltarët e Kuvendit Komunal të Preshevës kanë kërkuar themelimin e gjykatës themelore dhe asaj të lartë për tri komunat në Luginën e Preshevës, ka thënë kryetari i kësaj komune Skender Destani, transmeton agjencia serbe Tanjug.
"Vendimi i seancës së jashtëzakonshme të Kuvendit të Komunës është që të kërkohet themelimi i këtyre dy gjykatave (themelore e të lartë) për komunat Preshevë, Bujanoc e Medvegjë, me seli në Preshevë. Kërkojmë edhe themelimin e prokurorisë, po ashtu, me seli në Preshevë", ka thënë Destani. Këshilltarët kanë kërkuar edhe përfaqësim proporcional të shqiptarëve në organet përkatëse shtetërore.
Këshilltarët e Komunës së Preshevës kanë dërguar ftesë këshilltarëve shqiptarë të dy komunave tjera për thirrjen e Kuvendit të këshilltarëve shqiptarë të Preshevës, Bujanocit e Medvegjës, në mënyrë që në një organ të tillë më të lartë të shqyrtohen çështja e pezullimit të gjykatave dhe i veprimit të mëtejshëm të përfaqësuesve shqiptarë në Luginë.

GARA PËR PARA

BUJANOC - Rreth 4.8 milion njerëz në Serbi të cilët janë lajmëruar apo kanë fituar të drejtën në aksionet pa pagesë tani më janë pajisur me nga 1.700 dinar që nga data 6 janar 2010. Sipas Goran Spiriq, udhëheqës i Postës në Bujanoc kjo punë është njëra ndër më të mëdha të cilën ka kryer posta gjer më tani, sipas tij për atë posta tani ka vënë në funksion logjistikën komplete rreth dhënies së aksioneve pa pagesë.
- Unë shoh se ka një tollovi të madhe pran derës së postës qytetarë të cilët presin me orë të tëra për marrjen e aksioneve konkretisht 1.700 dinarëve për këtë punë nevojitën rreth 5 minuta për kryerjen e procedurës në sportelet por gjithashtu dihet se nevojitet që qytetarët të kenë me vete letërnjoftimin thotë i lartpërmenduri. Gjithashtu sipas Goran Spiriq 6 muaj është kohë e mjaftueshme për evidentimin e të gjithëve kështu që nuk shoh një arsye që në ditët e para të ketë kaq fluks të madh për çdo rast posta është në gatishmëri të bëj punën e vet rreth ndarjes së aksioneve pa pagesë. Sipas këtij të fundit po në këtë vit qytetarët do të bëhen pronar edhe të aksioneve nga shitja e këtyre ndërmarrjeve shtetërore si: "Galenika", "Telekomi" dhe Aeroporti " Nikola Teslla".
- Nga ana e qytetarëve ankesa e vetme ishte që presin me orë të tëra jashtë dyerve të postës shumica mendoj se duhet të respektohen pleqtë dhe ata me aftësi të kufizuara por nga ana tjetër një burrë thotë se ne këtu jem të gjithë njësoj unë kam ardhur më herët dhe sa më bëhet vonë për të tjerët.

Durrës

SEMINARI I DURRËSIT TRADICIONAL

BUJANOC - Seminari tre ditor i mbajtur në Durrës i mbajtur kohë më pare, dy vitet e fundit është bërë edhe tradicional . Ideja e këtij seminari ka rrjedhur nga mësimdhënësit e gjuhës shqipe të cilët kanë pasur nevojë të avancohen profesionalisht në gjuhë dhe letërsi.
Sipas Agim Hasanit shefit të departamenti për arsim pranë komunës së Bujanocit tha se aktivi i drejtorëve ka mbajtur mbledhje së bashku me departamentin e arsimit dhe kanë rënë në ujdi që të organizojmë edhe një seminar për gjuhë dhe letërsi shqipe për Luginën e Preshevës gjegjësisht komunën e Preshevës, Bujanocit dhe Medvegjës.
Sipas të lartpërmendurit i gjithë opinioni i gjerë mund ta kuptoj se një seminar i tillë nuk mund të organizohet as në Preshevë as në Bujnaoc e as në Medvegjë sepse ne kemi sipërfaqe kemi mësonjëtore kemi salla por nuk kemi kapacitet profesional që ky seminar të organizohet në mënyrë profesionale ashtu siç i ka hije, prandaj, ne, qysh në takimin e mbajtur nga ana e drejtorëve të shkollave fillore dhe të mesme jem dakorduar që të kërkojmë ndihmë nga instituti albanologjik vitin e kaluar tani edhe nga dega e gjuhës dhe letërsisë shqipe pranë fakultetit filozofik dhe ata të na ofrojnë ndihmë për një seminar të tillë, po të njëjtën gjë thotë Agim Hasani e kemi kërkuar edhe nga ministria e arsimit, shkencave dhe teknologjisë të Shqipërisë, të cilët na kanë dalë në ndihmë dhe aty rënë në ujdi që të njëjtin seminar edhe për herë të dytë ta mbajmë në Durrës.
Shefi i departamentit të arsimit z.Hasani sërish pohon se kemi kërkuar ndihmë edhe nga institucionet më të larta arsimore në Shqipëri dhe Kosovë që të na ndihmojnë në të ardhmen edhe financiarisht që ky seminar mjaft i qëlluar dhe me rëndësi për të gjithë mësimdhënësit e gjuhës dhe letërsisë shqipe në Luginën e Preshevës të jetë tradicional por financiarisht të na ndihmoje Shqipëria dhe Kosova dhe në qoftë se vitin e ardhshëm ata na dalin në ndihmë ne do të organizojmë atje ku ata do të përcaktojnë vendin qoftë në Shqipëri apo në Kosovë pasi që nuk ka asgjë të keqe vendi i mbajtjes së seminarit me rëndësi është roli dhe rëndësia e seminarit pasi që në këto lloj seminare kemi rastin që ligjërues të jenë profesorët me eminent të lëmisë përkatëse e që janë raste të rralla siç ishin në këtë seminar profesor doktor Isak Shema, Isa Bajçinca dhe nga Tirana Elver Hysaj.
Ne në fund të seminarit kemi marrë përshtypjet nga të gjithë seminaristët si vitin e kaluar por edhe këtë vit janë ndarë të kënaqur me rrjedhat e seminarit me metodat e reja të cilët janë të obliguar t'i aplikojnë nëpër shkollat ku janë duke punuar pohoi për "Perspektivën" z.Agim Hasani.

Lugina e Preshevës

VAZHDON PROGRAMIN PËR NDËRTIMIN E KAPACITETEVE

BEOGRAD - Nisma e të rinjëve për të drejtat e njeriut vazhdon programin për ndërtimin e kapaciteteve në komunat e Preshevës dhe Bujanocit dhe shpall konkurs:
Nëse dëshironi të jeni pjesë aktive e shoqërisë në vendin tuaj dhe të ndërtoni shoqëri të qytetëruar kjo është mundësia ideale për ju. Paraqituni për pjesëmarrje në praktikën e OJQ-së Nisma e të rinjëve për të drejtat e njeriut në Beograd e cila do të organizohet një herë në muaj nga mesi i nëntorit 2009 deri në fund të marsit të vitit 2010.
Në kuadër të praktikës një mujore do të keni mundësinë të njohtoheni me punën e Nismës së të rinjëve për të drejtat e njeriut dhe të trajnoheni në temat rreth të drejtave të njeriut dhe të drejtës në tranzicion. Praktika njëmujore në organizatën Nisma e të rinjëve për të drejtat e njeriut gjithashtu do të përfshijë edhe bazën e aftësimit tuaj në aktivizëm, aftësimin tuaj për veprimtari publike, dhe përgatitjen e pjesëmarrësve për aktivizëm në komunitetin lokal.
Praktika është e hapur për të gjithë të rinjët (18 - 30 vjeçarë/e). E nevojshme është të jeni të interesuar për kyçjen tuaj në punën e OJQ-së Nisma e të rinjëve për të drejtat e njeriut (www.yihr.org), të jeni të gatshëm për bashkëpunimin tuaj me të rinjët e gjeneratës suaj nga i tërë rajoni, të ndërtoni shoqëri të hapur të bazuar në të drejta të barabarta, të ndërtoni institucione me përgjegjësi...
Praktika në Nismën e të rinjëve për të drejtat e njeriut zgjatë një muaj. Nisma e të rinjëve për të drejtat e njeriut mbulon të gjitha harxhimet gjatë praktikës.
Projekti financohet nga Ambasada e Kombeve të Bashkuara.
Për të aplikuar në konkurs e nevojshme është që aplikacionin (të cilin mund ta gjeni në webfaqen www.yihr.org ose në zyren e Nismës në Preshevë) të plotsuar ta dërgoni në email adresën pb@yihr.org më së voni deri më 3 shkurt 2010.
Për të gjitha informacionet rreth konkursit mund të drejtoheni në zyren e Nismës në Preshevë, rr. 15 Nëntori 46, Preshevë apo në tel. 017 669 147 si dhe përmes email adresës officeps@yihr.org.

******************

Inicijativa mladih za ljudska prava nastavlja realizaciju programa izgradnje gra?anskih kapaciteta u opštinama Preševo i Bujanovac.
Ukoliko želite da budete aktivni u svojoj zajednici i gradite gra?ansko društvo ovo je idealna prilika za Vas. Prijavite se za u?eš?e na stažiranje u kancelarijama Inicijative mladih za ljudska prava u Beogradu koje ?e biti organizovano jednom mese?no od sredine novembra 2009. godine do kraja marta 2010. godine.
U okviru jednomese?nog stažiranja ima?ete mogu?nost da se upoznate sa radom Inicijative mladih za ljudska prava i da se edukujete o temama u okviru ljudskih prava i tranzicione pravde. Stažiranje u Inicijativi mladih za ljudska prava ?e obuhvatiti i bazi?nu aktivisti?ku edukaciju, veštine za javno delovanje, i pripremiti u?esnike/ce za aktivizam u lokalnoj zajednici.
Stažiranje je otvoreno za sve mlade ljude (18-30 godina). Potrebno je da želite da se uklju?ite u rad Inicijative mladih za ljudska prava (www.yihr.org), da sara?ujete sa vršnjacima/kinjama iz regiona, da gradite otvoreno društvo zasnovano na jednakim šansama, da stvarate odgovorne institucije...
Stažiranje pri Inicijativi mladih za ljudska prava traje mesec dana. Inicijativa snosi sve troškove smeštaja i hrane tokom stažiranja.
Projekat je finansiran od strane Ambasade Ujedinjenog Kraljevstva.
Da biste aplicirali neophodno je da popunjenu prijavu pošaljete na e-mail adresu pb@yihr.org do 3. februara 2010. godine.
Za više informacija o samom programu možete se raspitati na 017/669-147 ili na mail officeps@yihr.org.

Aktuale - Në Bujanoc

DITË TË MIRA PËR ZHVILLIMIN E INFRASTRUKTURËS

BUJANOC - Të premten e 18 dhjetorit, në Komunën e Bujanocit, qëndruan për një vizitë pune: ministresha e Ministrisë për Planin Nacional Investiv Verica Kalanoviq me bashkëpunëtorë, përfaqësuesit nga Ministria për Ekonomi dhe Zhvillim Regjional, përfaqësuesit e Ministrisë për pushtet shtetëror dhe pushtet lokal, përfaqësuesit e Ministrisë së Arsimit dhe Sportit si dhe 40 kryetarët e komunave më të pazhvilluara të Serbisë.
Qëllimi i këtij takimi ishte njohja për së afërmi me projektet për zhvillimin ekonomik dhe infrastrukturor të Komunës së Bujanocit.
Ministresha për Planin Nacional, Verica Kalanoviq, tha se është e kënaqur shumë me punën e deritanishme të kësaj komune dhe nëse vazhdohet kështu në vitet ardhshme do sipas saj do të zgjidhen problemet e infrastrukturës në Komunën e Bujanocit.
Në shtëpinë e kulturës ministresha Kalanoviq prezantoi broshurën "Zhvillimi i infrastrukturës në dyzet komunat më të pa zhvilluara në Republikën e Serbisë" në pjesën e dytë në këtë broshurë gjenden të gjitha ato projekte, që janë më të suksesshme për këto komuna në fjalë.
"Është fundi i vitit 2009 dhe ardhja ime sot këtu ka qenë e lidhur edhe me planet për vitin e ardhshëm. Nëse kjo komunë është e gatshme t'i realizoj projektet sipas procedurës së ministrisë sonë, nëse punon me këtë kualitet si tani dhe është transparente atëherë ministria për Plan Investiv Nacional do të jetë e gatshme që së bashku me ketë komunë ta zhvilloj infrastrukturën. Komuna e Bujanocit është njëra ndër komunat që i ka realizuar me sukses projektet', tha mes tjerash znj. Kallanoviq.
Delegacioni i nivelit të lartë republikan, pas takimit që zhvilloi me kryetarin Shaip Kamberi, vizitoi edhe zyrën për Zhvillim Ekonomik Lokal ku u njoftuan me aktivitete e kësaj zyreje. Ky është një ndër takimet e rregullta që mbahen me këto 40 komuna dhe realizimi i projekteve të NIP-it.

Luginë e Preshevës

PËRFAQËSUESIT E OSBE-së TAKOJNË LIDERËT LOKALË

BUJANOC - Kryetarët e tri komunave të Luginës së Preshevës, Ragmi Mustafa, Shaip Kamberi dhe Sllobodan Drashkoviq, të enjten e 18 dhjetorit në Bujanoc janë takuar me përfaqësues më të lartë të Organizatës për Siguri dhe Bashkëpunim në Evropë OSBE, me sekretarin gjeneral të OSBE-së Mark Perrin de Brish Baut dhe ambasadorin e OSBE-së të akredituar në Beograd Dimitrios Kipreus.
Gjatë këtij takimi përfaqësuesit e pushteteve lokale, e kanë njoftuar delegacionin e OSBE-së për së afërmi me problemet e përditshme me të cilët po ballafaqohen qytetarët e Luginës së Preshevës.
Sipas kryetarit të komunës së Preshevës gjatë takimit përveç problemeve të shumta që janë diskutuar theks i veçantë iu është kushtuar sferës së arsimit të ultë, ët mesëm dhe të lartë të gjuhën shqipe.
Mustafa, i cili njëherit është edhe kryetarë i Partisë Demokratike Shqiptare, ka shpjeguar para përfaqësuesve më të lartë të OSBE-së arsyen e mos pjesëmarrjes së subjektit të tij politik në formimin e Këshillit Nacional.

Reformat në jurisprudencë

BARTJA E KOMPETENCAVE

BUJANOC - Nasip Rexhepi, zëvendës prokuror publik në Gjyqin komunal të Bujanocit, në një bisedë për revistën "Perspektiva" në lidhje reformat në gjyqësi tregoi më hollësisht se këto reforma e kanë prekur edhe gjyqet në nivele lokale. Duke marrë parasysh krizën të cilën e ka kapluar vendin tonë përveç reduktimit të punëtorëve në administratën shtetërore dhe lokale e njëjta do të zbatohet edhe në gjyqësi dhe organet të tjera shtetërore.
Ankthi apo ethet e dhjetorit kanë kapur edhe gjykatësit dhe prokurorët se ku do ti transferojnë për marrëdhënie pune apo drejtime në ENT-in e punësimit.
Sipas Nasip Rexhepit, zëvendës prokuror publik në Gjyqin komunal të Bujanocit ligji mbi selitë e fushëveprimeve e gjykatave-prokurorive publike ka hy në fuqi më 30 dhjetor të vitit 2008, ndërsa do të aprovohet që nga 1 janari vitit 2009. Me këtë ligj janë bërë reforma në sistemin e jurisprudencës si nga pikëpamja e selive po ashtu edhe nga kompetenca dhe përbërja e tyre - thotë zv/prokurori Rexhepi.
Sipas këtij të fundit këtë ligj organet për kundërvajtje shuhen ndërsa kostituohen gjykatat për kundërvajtje, të cilat vendosin në shkallë të parë, ndërsa në shkallë të dytë vendosin gjykatat e larta për kundërvajtje të apelit.
Në Komunën e Preshevës parashihet gjykata për kundërvajtja, po ashtu edhe në komunën e Vranjës, ndërsa për Bujanoc do të kemi paralelen për kundërvajtje në kuadër të gjykatës për kundërvajtje në Vranjë. Me ligjet e mëparshme të jurisprudencës sipas z. Prokurorit Rexhepi kanë ekzistuar gjykatat komunale, gjykatat e qarkut dhe gjykatat themelore komunale, gjykatat e larta, gjykatat e apelit dhe gjykatat supreme e kasacionit me seli në Beograd.
Gjykata themelore komunale selinë e vetë do të ketë në Vranjë me njësitë gjyqësore në Preshevë, Bujanoc, V.Han, Surdulicë dhe Bosiligrad.
Gjithashtu sipas Nasip Rexhepit zv/prokuror publik në Gjykatën komunale në Bujanoc, po ashtu prokuroria themelore publike me seli do të jetë në Vranjë.

INTERESIMI PËR PASAPORTAT BIOMETRIKE

BUJANOC - Tërheqja e pasaportave biometrike është dashur të përfundojnë në gjysmën e vitit 2009. Tërheqja e kartë identitetit biometrik është faktor kyç për liberalizimin e regjimit të vizave për Bashkimit Evropian
Kudo nëpër stacionet policore në Serbi gjithashtu edhe në stacionin policor në Bujanoc është një fluks i madh qytetarëve që bëjnë tërheqjen e kartë identitetit biometrike.
Ardhja e emigrantëve gjatë këtij sezoni dimëror ka shtuar ndjeshëm interesimin për pasaportat biometrike dhe kartat e identitetit. Në Muajin e fundit numri i lartë i emigrantëve që kanë hyrë në territorin e Serbisë, kanë shtuar fluksin e lartë për pasaporta biometrike.
Duke marrë parasysh se për disa ditë shtetasit e Serbisë, Malit të Zi dhe Maqedonisë ia kanë mësyrë vendeve perëndimore s'ka se si të mos paralajmërohet një fluks i madh nga Ballkani në kërkim të punës.
Fluks i madh i qytetarëve në stacionin policor në Bujanoc në pritje për tërheqjen e pasaportës. Qytetarët ankohen për radhët e gjata për shkak të numrit të pakët të sporteleve.
Nga një 1 dhjetori i këtij viti është hyrë në fuqi për të gjithë qytetarët po qe se ka ndonjë padi penale nuk mund të pajiset me pasaportë biometrike.
Nga stacioni policor në Bujanoc njëri nga punonjësit për dhënien e pasaportave tha se që nga 15 dhjetori do filloj edhe faza e radhës për hapjen e kërkesave për tërheqjen e pasaportave.
Sipas të lartpërmendurit një pasaportë mund të tërhiqet nga 10 deri më 15 ditë kurse numri në ditë i qytetarëve që marrin pasaportë në stacionin policor në Bujnaoc nuk është i njëjtë por supozon se arrin nga 50 gjer në 70 duke mos lënë anash edhe fluksin e qytetarëve që presin edhe në oborrin e stacionit me orë të tëra ai pohon se edhe ankesat janë të shumta por ne aq sa kemi kapacitet aq mund të iu dalim në ndihmë qytetarëve.
Pa dallim moshe janë qytetarët të cilët përbëjnë një varg pritjesh në oborrin e stacionit policor, por sipas mendimit të tyre nuk iu bëhet vonë edhe pse presim gjatë edhe përkundër motit të lig pasi që kanë aplikuar ne jemi të detyruar si qytetar t'i përmbahemi rregullave të shtetit.

Webfaqe e krijuar nga: KUPIPROG.NET
© 2008 Revista Perspektiva. Të gjitha të drejtat e rezervuara.
Tel/Fax: (017) 654 508 - Mob: (063) 8560 105, (064) 2159 579, (063) 8251 945
Vizitorët: